أسباب الفشل ومقومات النجاح في «وظيفة التأمين» - بقلم / علاء النجار

  عزيزي القارئ بشكل عام، والممهتنين للتأمين بشكل خاص، في أحيان كثيرة نجد من يرغب في العمل بصناعة التأمين، ومن المعروف أن بيع منتجات التأمين تحتاج لمهارات معينة وخبرات متخصصة، ليس من قبيل الترف، ولكن لخصوصية هذه الصناعة التي تقوم علي ترويض المخاطر التي تواجه البشر والحجر ، ولذلك سنرصد أسباب الفشل ومقومات النجاح في وظيفة التأمين.


ما أن يبدأ الكادر البشري في العمل بتلك الصناعة، خاصة مجال البيع، إلا ويصاب بالإحباط حينا، والصدمة أحيانا.
في المقال التالي سنرصد أسباب الفشل في إستمرار البعض في العمل بصناعة التأمين، خاصة البيع، ومقومات النجاح، ونظرًا لأهمية الموضوع، دعني أكتب لك بالعامية، ليفهمها القارئ خاصة غير المتخصص ممن يرغب في العمل بهذا المجال.
طبعا لازم نكون متفقين من البداية ان محدش هيفشل في أي عمل ولو بخلاف التامين الا اذا ظن وبطريقة مستمرة انه هيفشل والظن دا طبعا بطبيعة الحال بيبقي بداية الفشل .
كلنا بنشوف ناس كتير بتلتحق بوظيفة التامين ، لكن للاسف الي بيكمل فيها عدد قليل هنقول علي سبيل المثال 10 موظفين من كل 100 هما الي بيكملوا في المهنه دي ودا بيرجع لنوعين من الأسباب
أولًا: أسباب إدارية ونسبتها تقريبًا 80 %

ثانيا: اسباب مهنية ونسبتها 20 %

أولًا – الأسباب الإدارية

1- ضعف الهيكل الاداري بالشركه مما يؤدي الي اختيار مديرين مبيعات ضعفاء علي المستويين الاداري والتسويقي وبالتالي هيتم اختيار مندوب تسويق تأمين ضعيف والنهايه يوضحها المثل القائل مابني علي باطل فهو باطل علي خلاف وجود اداره وعضو منتدب قوي .
2- خبره مديرالمبيعات المحدوده ويترتب عليه عدم وجود فكر اومهاره او توجيه سليم او معلومات كافيه عن المنتج وعن المنافسين وطبعا دا بيخلق مشاكل مع الموظفين وحله اختيار مدير مبيعات قوي وفاهم وعنده خبره بالمجال علي الاقل سنتين .
3- اختيار مديرين المبيعات لموظفين لا ينطبق عليهم الشروط والمواصفات المطلوب تواجدها في مندوب تسويق التأمين فقط لان فريقه ناقص ومحتاج يكمل العدد والافضل اختيار الانسب .
4- افتقار الشركات لبرامج تدريبيه بيعيه وتسويقيه قويه لبرامج التامين الموجوده بالشركه الي بيها تساعد علي تاهيل الموظفين فلازم طبعا يكون في برامج قويه لتدريب الموظفين الجدد
5- مدير فاشل ادارياً ممكن يبقي مدير المبيعات شاطر في تسويق التأمين لكن فاشل في اداره موظفينه وبالتالي الموظف بيكره المجال بسببه لان مش كل بياع او مسوق شاطر ينفع يبقي مدير ودخوله الاداره غلط لان الاداره في حد ذاتها علم وفن ومدير مبيعات التامين محتاج علم بطرق التعامل وبالمنتج والسوق والمنافسين وفن في القياده.

6-
سماح الاداره بتوظيف عدد لا محدود من مناديب تسويق التأمين تحت قياده مدير واحد ودا سبب رئيسي في ان ناس منهم مش هتتعلم حاجه لإن مستحيل هيقدر يقسم وقته علي 10 او 15 موظف يوميا يعلم ويدرب ويساعد ويقابل عملاء طبعا عدد موظفين قليل اقوي افضل من الكتير الضعيف .
7- عدم وجود وظيفه اتش ار في اغلب الشركات لعمل مقابلات شخصيه وتقييم الموظفين وابداء الراي بانه يصلح او لا يصلح واكتفائها بمسئولي البيع بمعني ان المدير هو الي بيقابل وهوالي بيعين وهو الي بيدير وهو الي بيفصل عن العمل واعتقد ان التخصص وتقسيم العمل هو الافضل.

 

ثانيا- الأسباب المهنية

بمعني ان الموظف قد يكون فيه المواصفات المطلوبه لكن ليه توجه اخر غير العمل بمجال التامين او الحاجه التانيه هي ان الموظف بيشتغل غلط
واني لأري ان اينعم الاسباب المهنيه دي ترجع للموظف نفسه ولكن اداره الشركه ومدير المبيعات بيشارك فيها لانه المفروض بيتم من خلاله توجيه فريق العمل والموظفين الخاضعين تحت ادارته الي التاثير في تغيير توجههم و توصيلهم الي افضل الطرق في العمل والي بيها بيحققوا افضل انجازات .
هنتكلم عن العنصر الاول ان لو الموظف فيه المواصفات المطلوبه لكن ليه توجه اخر ودا اسبابه كتيره ومن بعض مسبباته ان :
1-الموظف داخل يجرب واغلب الي بيدخل يجرب واحد من شخصين يابيبقي شخص ناجح جدا ودا نادرا حدوثه يبيبقي شخص فاشل جدا ودا الاغلب .
2- الموظف مش لاقي شغل واول مبتظهر قدامه شغل تاني بيقدم استقالته علي طول فبالنسباله النجاح في التامين والاستمرار في الوظيفه مش من اهدافه .
3- موظف قريبه حابب يدخله المجال معاه ويكونوا مع بعض لكن هو مش مقتنع اصلا .
وهكذا ,,,
العنصر التاني وهو الموظف بيشتغل غلط
بالظبط هنصنف الموظفين الي تلت اصناف وطريقه شغلهم
الصنف الاول
بيفكر كويس وعنده رؤيه لكن بيبذل مجهود في الشغل او مبيشتغلش ودا مبيحققش اي نتائج ومبيستمرش .
الصنف التاني
معندوش فكر او رؤيه لكن بيبذل مجهود في الشغل وبالتالي نتائجه ضعيفه وايضا مش هيستمر .
الصنف التالت
عنده رؤيه وفكر وبيشغل دماغه كويس وبيبذل مجهود وبالتالي دا الشخص الوحيد الي بيكمل في المجال وبيحقق فيه نتائج وانجازات كبيره وملحوظه .
وبكدا اتمني اكون وضحت الاجابه علي السؤال المتردد دائما بين موظفي التأمين مع تحياتي لكم وتمنياتي بالتوفيق والنجاح دائما ..

بقلم / علاء النجار
المصدر : جريدة المال

تعليقات